"මෙහි එන කෙනෙකුට සාමය හා ශාන්තභාවය පිළිබඳ හැඟීමක් ඇති වන්නේ" යැයි පැවසූ ජිලානි මහතා මේ වෙනසට යුද්ධය අවසන් වීම පමණක් නොව සංවර්ධනය ද හේතු වී ඇතැයි සඳහන් කළේය.
"ඔබ රජය ත‍්‍රස්තවාදය තුරන් කළ ආකාරය අපි අතිශයින් අගය කරන අතර, ඒ පිළිබඳ අපේ ප‍්‍රසාදය පළ කරමු" යැයි ඒ මහතා තවදුරටත් පැවැසීය.
යුද සමයේ දී මෙන්ම ඉන් පසුව ද ශ්රී ලංකාවට දුන් අඛණ්ඩ සහයෝගය ගැන පාකිස්තානයට ස්තුතිය පළ කළ ජනාධිපති රාජපක්ෂ මැතිතුමා, තීරණාත්මක අවස්ථාවල දී ශ්රී ලංකාවට සහය වීමෙහිලා පාකිස්තානය ඉතා වැදගත් කාර්යභාරයක් ඉටුකර ඇතැයි පැවැසීය.
පාකිස්තාන ජනාධිපති අසිෆ් අලි සර්දාරි (Asif Ali Zardari) මැතිතුමාගේ "ප‍්‍රණාමය හා සුභාෂිංසන" පුද කළ ජිලානි මහතා "පාකිස්තානයේ අපි සහ ශ්රී ලංකාව අතර මිත‍්‍රත්වය අතිශයින් අගය කරමු" යැයි කීය.
පාකිස්තානයේ ඉදිරි මහ මැතිවරණය පිළිබඳව සඳහන් කරමින් දේශපාලනයෙහි කාන්තා සහභාගීත්වය වර්ධනය කිරීමේ අවශ්‍යතාව ජනාධිපතිතුමා සහ ජිලානි මහතා අවධාරණය කළහ.
2011 වර්ෂයේ දී පාකිස්තානය මුහුණ දුන් ඩෙංගු උවදුර මර්ධනයට ලැබුණු සහයෝගය ඇතුළුව ශ්රී ලංකාව පාකිස්තානයට කර ඇති උදව් උපකාර පිළිබඳව ජිලානි මහතා ජනාධිපති රාජපක්ෂ මැතිතුමා වෙත ස්තුතිය පුද කළේය. පාකිස්තානයේ ඉල්ලීම පරිදි ඩෙංගු මර්ධන කණ්ඩායමක් ශ්රී ලංකාවෙන් එරටට යවන ලද අතර, පාකිස්තානයේ වෛද්‍ය කාර්යමණ්ඩල අවශ්‍යතා තක්සේරු කොට ඔවුන් පුහුණු කිරීමට කණ්ඩායමට හැකි විය.
පාකිස්තානයේ විදේශ කටයුතු අමාත්‍යාංශයේ දකුණු ආසියා අංශයේ අධ්‍යක්‍ෂ ජනරාල් රිෆාට් මසූද්(Riffat Masood), ශ්රී ලංකා පකිස්තානු මහකොමසාරිස් (විශ‍්‍රාමික මේජර් ජනරාල්) කසීම් කුරේෂි (Qasim Qureshi), හා ශ්රී ලංකාවේ නියෝජ්‍ය දූත මණ්ඩල ප‍්‍රධානී අම්නා බාලොච් (Amna Baloch) යන මහත්වරුන් සහභාගී වූ අතර, විදේශ කටයුතු අමාත්‍ය මහාචාර්ය ජී.එල්. පීරිස්, ජනාධිපති ලේකම් ලලිත් වීරතුංග හා විදේශ කටයුතු අමාත්‍යාංශයේ ලේකම් කරුණාතිලක අමුණුගම යන මහත්වරු ද මෙම අවස්ථාවට සහභාගී වී සිටියහ.
